«Ювентус» клуби «Тоттенхэм» қанот ҳимоячиси Жед Спенсга даъвогарлик қилмоқда.

25 ёшли футболчи жорий мавсумда «шпорлар»нинг асосий таркибида мунтазам майдонга тушмоқда, бироқ шу ёзда жамоани тарк этиши мумкин. Gazzetta dello Sport нашрига таяниб Transfer News Live хабар беришича, «кекса синьора» англиялик футболчини ўз қизиқишлари рўйхатига киритган. Ҳар икки қанотда ўйнай оладиган латералнинг нархи Transfermarkt экспертлари томонидан 30 миллион еврога баҳоланмоқда.

Жед Спенс Италияда ўйнаш бўйича кичик тажрибага эга: у 2023/24 йилги мавсумнинг иккинчи ярмида ижара асосида «Женоа» сафида тўп сурган. Жорий мавсумда футболчи «Тоттенхэм» либосида 35 та ўйинда майдонга тушди ва самарали ҳаракатлари билан ажралиб тургани йўқ.