Германиянинг «Кёльн» клуби вингери Саид Эль-Мала Англия Премьер-лигасида фаолиятини давом эттириш вариантларига эга. Бу ҳақда Caught Offside журналистлари маълум қилишди.
Манба берган маълумотларга кўра, 19 ёшли футболчини ўз сафига қўшиб олишга АПЛнинг икки топ-клуби — «Манчестер Юнайтед» ва Лондоннинг «Челси» жамоалари қизиқиш билдирмоқда. Германия томони ҳужумкор ярим ҳимоячи билан 50-60 миллион евро эвазига хайрлашишга тайёр. Саиднинг «эчкилар» билан амалдаги шартномаси 2030 йилнинг ўрталарига қадар мўлжалланган.
Жорий мавсумда Эль-Мала 27 та учрашувда иштирок этди. Вингер ўз ҳисобига саккизта гол ва тўртта голли узатмани ёздириб қўйишга муваффақ бўлди.
