«Брайтон» бош мураббийи Фабиан Хюрцелер Лондоннинг «Арсенал» клуби устози Микель Артета ҳақида фикр билдирди. Аввалроқ «чайкалар» бошқарувчиси «канонирлар»ни ўзаро ўйинда вақт чўзганликда айблаб, танқид қилган эди.
«Мен Артетага хат ёздим. Уни жуда ҳурмат қиламан, у Премьер-лиганинг энг яхши мураббийларидан бири. Уларнинг ўйинини кузатиш менга жуда ёқади ва кўплаб ҳаракатларига қойил қоламан. Менинг шарҳларим шахсий характерга эга эмас эди», — дея Хюрцелернинг сўзларини келтиради журналист Фабрицио Романо.
Эслатиб ўтамиз, Англия Премьер-лигасининг 29-турида «Брайтон» ўз уйида «Арсенал»га 0:1 ҳисобида имкониятни бой берган эди.
