«Манчестер Сити»да ҳужумкор ярим ҳимоячи сифатида тўп сураётган Райан Шерки ўзининг шахсий мақсадлари ҳақида гапириб берди.

Ярим ҳимоячидан келажакда қандай футболчи бўлишни исташи ҳақида сўрашди.

«Дунёда энг зўри бўлишни, бундан камига рози эмасман. Отам билан гаров боғлаганмиз, у менга шундай деганди: «Қайси куни сен «Олтин тўп»ни қўлга киритсанг, ўша кундан бошлаб сен билан футбол ҳақида гаплашишни тўхтатаман», — деди Шерки.

Жорий мавсумда франциялик футболчи барча турнирларда 38 та учрашувда иштирок этиб, тўққизта гол ва 10 та голли узатмани ўз ҳисобига ёздириб қўйди.