«Барселона» бош мураббийи Ханс-Дитер Флик ярим ҳимоячи Френки де Йонгнинг тикланиш муддатлари ҳақида тўхталиб ўтди.
«Биз де Йонг терма жамоалар ўйинлари туфайли юзага келадиган танаффусдан сўнг қайтади, деб умид қиламиз. Ҳаммаси яхши кетмоқда. Ўйлайманки, миллий жамоалар баҳсларидан кейин у яна таркибга киритилиши мумкин бўлади», — деди Флик шанба кунги матбуот анжуманида журналистларга.
Терма жамоалар ўйинлари сабабли берилган танаффусдан кейинги илк учрашувини «Барселона» 4 апрель куни сафарда «Атлетико»га қарши ўтказади.













