«Ньюкасл» ярим ҳимоячиси Сандро Тоналининг агенти Беппе Ризо мижозининг бошқа клубга ўтиши мумкинлиги ҳақидаги хабарларга изоҳ берди.

 

Аввалроқ инглиз ОАВлари футболчи ёзда жамоасини ўзгартириши аниқлиги, унга «Манчестер Сити», «Манчестер Юнайтед» ва Лондоннинг «Арсенал» клублари томонидан катта қизиқиш борлиги ҳақида хабар берган эди.

 

Ризо Тонали топ-клуб сафига қўшилишга қарши эмаслигини тасдиқлади.

 

«Англияга йўл олган илк лаҳзалариданоқ унинг мақсади юлдуз даражасидаги футболчига айланиш эди. Менимча, у дунёдаги энг қадрли итальян футболчиларидан бири ҳисобланади», — дея агентнинг сўзларидан иқтибос келтирмоқда Calcio E Finanza.

 

Жорий мавсумда Тонали 46 та ўйинда майдонга тушиб, 3 та гол урди ва 7 та голли узатмани амалга оширди.