Саудия Про-лигасининг 26-туридан ўрин олган «Ал-Фатеҳ» ва «Ал-Ҳилол» клублари ўртасидаги учрашув якунланди. Жамоалар «Al-Fateh Club Stadium» (Ал-Ҳуфуф, Саудия Арабистони) стадионида баҳс олиб боришди. Ўйин меҳмонларнинг 1:0 ҳисобидаги ғалабаси билан якунланди.

Учрашувдаги ягона голни Сергей Милинкович-Савич киритди. «Ал-Ҳилол»нинг сербиялик ярим ҳимоячиси иккинчи бўлим бошида, 49-дақиқада ўз исмини таблога ёздириб қўйди.

Шу тариқа, «Ал-Ҳилол» 26 та ўйиндан сўнг 64 очко жамғариб, турнир жадвалида иккинчи ўринни эгаллаб турибди. «Ал-Фатеҳ» эса 28 очко билан 13-поғонада бормоқда.

Навбатдаги турда «Ал-Ҳилол» «Ат-Таавун» билан куч синашади (4 апрель), «Ал-Фатеҳ» эса «Ал-Охдуд» жамоаси билан тўқнаш келади (5 апрель).