«Манчестер Сити» яна ғалаба қозона олмади – бу сафар «Вест Хэм» билан дуранг қайд этилди (1:1). «Шаҳарликлар» 31-дақиқада ҳисобни очишди, бироқ «болғачилар» орадан кўп ўтмай – 35-дақиқада жавоб қайтаришди. Қолган вақт ичида томошабинлар гол кўришмади.

«Биз ўйин бошида назоратни қўлга олдик, лекин рақиб дарвозаси олдида деярли хавф туғдира олмадик – бу менга ёқмаяпти. Майдоннинг сўнгги учдан бир қисмида «учқун» керак. Шеркининг майдонга тушиши ўйин ритмини ҳис қилишга ёрдам берди. Биз ҳаракат қилдик, лекин афсуски, очко йўқотдик. Премьер-лигада барқарорлик муҳим. Илгари биз бу каби ўйинларда доим ғалаба йўлини топардик. Бизни ёмон реализация учун доимий равишда жазолашмоқда», – деди BBC Match of the Day нашрига берган интервьюсида жамоа устози Хосеп Гвардиола.