«Барселона» бош мураббийи Ханс-Дитер Флик жамоанинг жисмоний ҳолати ҳақида ўз фикрлари билан ўртоқлашди.

«Биз «Атлетико»дан учралган мағлубиятдан тегишли хулосалар чиқардик. Охирги 11 кун ичида тўртта ўйин ўтказдик, шу сабабли таркибда жиддий ўзгаришлар қилиш имкониятларимиз чекланган. Бундан ташқари, айрим футболчилар жароҳатдан сўнг сафга қайтишмоқда, бизга бироз кўпроқ вақт керак. Содир бўлган барча ўйинлар жуда шиддатли ўтди, таркибимизда эса жуда ёш футболчилар бор», — дея Фликнинг сўзларини келтиради Barça Universal.

Якшанба куни, 15 мартда «Барселона» Испания чемпионатининг 28-тури доирасида ўз майдонида «Севилья»ни қабул қилади. Учрашув Тошкент вақти билан соат 20:15 да бошланиши режалаштирилган.