Лондоннинг «Арсенал» клуби ҳужумчиси Виктор Дьёкереш жамоанинг 16 ёшли вингери Макс Доуманнинг ўйини ҳақида ўз фикрлари билан ўртоқлашди.
«Макс Доуман — ақл бовар қилмас даражада. Унинг қандай ўйнашини кўриб турибсиз. Тўпни қабул қилиб олганда, у ҳар доим хотиржам ва ортиқча ҳаяжонсиз ҳаракат қилади. Бу ҳар доим тўғри қарор қабул қилишга интиладиган ажойиб футболчи. Биз уни қўллаб-қувватлаймиз», — дея Дьёкерешнинг сўзларидан иқтибос келтирмоқда журналист Фабрицио Романо.
Доуман — «Арсенал» тарбияланувчиси ҳисобланади. Жорий мавсумда вингер асосий жамоа сафида еттита учрашувда иштирок этиб, битта гол ва битта голли узатмани ўз ҳисобига ёзиб қўйди.
Нуфузли Transfermarkt портали мутахассислари Доуманнинг трансфер қийматини 20 миллион еврога баҳоламоқда.
