«Ливерпуль» жорий мавсумни кўнгилдагидек ўтказа олмаяпти. Якшанба куни жамоа «Тоттенхэм» билан 1:1 ҳисобида дуранг ўйнаб, ўз мухлисларини яна бир бор хафа қилди.
Indykaila News хабарига кўра, Стивен Жеррард айни дамда «Ливерпуль»дан қўнғироқ кутмоқда. Жеррард «қизиллар»ни мавсум якунига қадар бошқариш учун ҳамма нарсадан воз кечишга тайёр. Мерсисайдликларнинг собиқ капитани клубни қийин вазиятдан қутқариб қолишни истамоқда.
Стивен Жеррард «Ал-Иттифоқ»дан кетганидан бери бир йилдан ортиқ вақт давомида мураббийлик фаолиятисиз юрибди.
Ҳозирда «Ливерпуль» Англия чемпионати турнир жадвалида бешинчи ўринни эгаллаб турибди.













