«Манчестер Юнайтед»нинг собиқ футболчиси Рой Кин жамоа Чемпионлар лигаси йўлланмасини энди қўлдан чиқармайди деб ҳисоблайди.

Якшанба куни «қизил иблислар» ўз майдонида асосий рақобатчиларидан бири — «Астон Вилла»ни мағлуб этди (3:1). Майкл Кэррик шогирдлари 30-турдан сўнг бирмингемликларни уч очкога ортда қолдирган ҳолда, учинчи поғонадаги ўрнини мустаҳкамлаб олди.

«Ҳа, менимча, Чемпионлар лигасидаги ўрин аллақачон кафолатланган. Ҳеч қандай чалғитувчи омиллар йўқ: бор эътиборни чемпионатга қаратиш имконияти мавжуд, тикланиш учун вақт етарли. «Астон Вилла» анча суст кўринди, «МЮ» эса иккинчи бўлимда ўзини қулай ҳис қилди», — деди Кин Sky Sports эфирида ўйин ҳақида гапирар экан.

20 март куни «Манчестер Юнайтед» сафарда «Борнмут»га қарши майдонга тушади.