«Манчестер Сити» бош мураббийи Хосеп Гвардиола Мадриднинг «Реал» клубига қарши Чемпионлар лигаси 1/8 финал жавоб учрашуви олдидан жамоанинг кайфияти борасидаги саволга жавоб берди.

«Шаҳарликлар» «Сантьяго Бернабеу»да бўлиб ўтган илк баҳсда 0:3 ҳисобида имкониятни бой беришган эди. Сешанба куни Англия гранди ўз майдонида ушбу фарқни йўққа чиқаришга ҳаракат қилиб кўради.

«Ўйинчилар — катта одамлар, улар яхши маош олишади. Агар улар камбэкка ишонишмаса, бу уларнинг муаммоси. Ишонмаганлар уйда қолишлари мумкин. Биз ҳаракат қилиб кўришимиз керак. Нимани йўқотамиз? Ҳеч ким ҳеч қачон Чемпионлар лигаси плей-оффида «Реал» билан ўйиндаги 0:3 ҳисобини қайтара олмаган. Ҳеч қачон», — деди матбуот анжумани Гвардиола.

«Манчестер Сити» ва «Реал» ўртасидаги баҳс Тошкент вақти билан тунги соат 01:00 да бошланади.