Мадриднинг «Атлетико» клуби дарвозабони Ян Облак жароҳатидан сўнг ҳали сафга қайтишга тайёр эмас.

33 ёшли посбон яқинда бўлиб ўтган «Хетафе»га қарши ўйинни (1:0) ўтказиб юборди. Шунингдек, у Чемпионлар лигаси 1/8 финали доирасида «Тоттенхэм» билан кечадиган жавоб баҳсида ҳам майдонга тушмаслиги деярли аниқ. Marca нашрининг хабар беришича, словениялик дарвозабоннинг яқинлашиб келаётган мадрид дербисида — «Реал»га қарши ўйинда иштирок этиши ҳам катта сўроқ остида турибди. «Матрасчилар» асосий футболчисининг соғлиғини хавф остига қўйишни истамаяпти, шу сабабли унинг майдонга қайтишини тезлаштиришмайди.

Ян Облакнинг ўрнини Хуан Муссо эгаллаши кутилмоқда. «Тоттенхэм» ва «Реал»га қарши учрашувлар мос равишда 18 ва 22 март кунлари бўлиб ўтади.