«Ливерпуль» «Тоттенхэм» устидан қозонилаётган ғалабани қўлдан чиқарди – учрашув 1:1 ҳисобидаги дуранг билан якунланди. Ўйиндан сўнг мерсисайдликлар ярим ҳимоячиси Доминик Собослаи ўз фикрларини билдириб ўтди.

«Бу жуда катта умидсизлик. Нима содир бўлганини билмайман, айтишга гап ҳам йўқ. Яна сўнгги дақиқада гол ўтказиб юбордик – бу мавсумда бундай ҳолат неча марта такрорланганини ҳам билмайман.

Биз уйғонишимиз керак. Мен ўзимни руҳан бўшаб қолгандек ҳис қиляпман. Ўзимизга келишимиз шарт, чунки бундай ўйин билан Конференциялар лигасига йўлланма олиш ҳам биз учун бахт бўлиб қолади. Нима учун бундай бўлаётганини тушунмаяпман – ростдан ҳам билмайман», — деди Собослаи Sky Sports нашрига.

Эслатиб ўтамиз, чоршанба куни, 18 мартда «Ливерпуль» Чемпионлар лигаси доирасида «Галатасарой»ни қабул қилади.