"Барселона"нинг тажрибали ҳужумчиси Роберт Левандовски фаолиятини Туркия Суперлигасида давом эттириши мумкин. Польшалик юлдузга нисбатан Истанбулнинг "Бешиктош" клуби жиддий қизиқиш билдирмоқда.
Турк гранди форвардни ўз сафига қўшиб олиш учун қуйидаги молиявий пакетни тайёрлаб қўйгани айтилмоқда:
Имзо бонуси: 10 миллион евро (эркин агент сифатида ўтиши учун);
Йиллик маош: 20 миллион евро (соф даромад);
Шартнома муддати: 2 йиллик кафолатланган келишув.
Ушбу таклиф "Барселона"нинг молиявий имкониятларидан анча жозибалироқ кўринмоқда. Хусусан, каталонияликлар жорий йилнинг 30 июнидан кейин футболчига бундай юқори маош тўлай олмасликлари мумкинлиги хабар қилинмоқда.
Агар трансфер амалга ошса, 37 ёшли Левандовски Туркия чемпионатининг энг кўп маош олувчи юлдузларидан бирига айланади.
