Саудия Про-лигаси гиганти «Ал-Ҳилол» клуби раҳбариятдаги муҳим ўзгариш арафасида — жамоа «Ливерпуль» спорт директори Ричард Хьюзни ўз сафига қўшиб олмоқчи.
Маҳаллий ОАВ хабарларига кўра, икки томон Хьюзнинг янги лавозими борасидаги шартларни келишиб олишган ва фақат шартнома имзолаш жараёни қолган. Келишув якунлангач, Хьюзнинг ёрдамчи ходимлар жамоаси ишни дарҳол бошлаши, Хьюзнинг ўзи эса келгуси ёзда расман ўз вазифасига киришиши кутилмоқда.
Ушбу тайинлов Хьюзнинг «Ливерпуль»даги спорт операциялари бўйича раҳбарлик лавозимини тарк этишини англатади. Саудия Арабистони лигаси юқори мартабали футбол функционерларини жалб қилишда давом этаётган бир пайтда, Хьюз мамлакатнинг энг етакчи клубларидан бирида худди шундай масъулиятли вазифани ўз зиммасига олади.
