Лиссабоннинг «Спортинг» клуби бош мураббийи Руй Боржес Чемпионлар Лигаси 1/8 финали доирасида Норвегиянинг «Будё-Глимт» жамоасига қарши бўлиб ўтадиган жавоб учрашуви олдидан ўз кутилмалари билан ўртоқлашди.
Бир ҳафта олдин бўлиб ўтган дастлабки тўқнашувда Португалия жамоаси сафарда рақибига 0:3 ҳисобида йирик натижа билан имкониятни бой берган эди.
«Биз ноёб ва чинакам ўзига хос натижага эришмоқчимиз. Бунинг учун эса деярли идеал ўйин ўтказишимиз кераклигини тушуниб турибмиз», — дея мутахассиснинг сўзларидан иқтибос келтирмоқда УЕФА матбуот хизмати.
У биринчи учрашувдаги йирик мағлубиятга қарамай, умумий ижобий натижага бўлган ишончини сақлаб қолаётганини қўшимча қилди.
