Бугун, 17 март куни «Арсенал» ва «Байер» жамоалари Чемпионлар Лигаси 1/8 финалининг жавоб учрашувида ўзаро тўқнаш келишади. Германияда бўлиб ўтган дастлабки баҳсда 1:1 ҳисобидаги дуранг натижа қайд этилган эди.

Таҳлилчилар бўлажак ўйинда «Арсенал»ни фаворит деб ҳисоблашмоқда. Инглиз клубининг ғалаба қозониш эҳтимоли 74,8% га баҳоланмоқда. «Байер»нинг зафари эса 9,1%, асосий вақтдаги дуранг эҳтимоли эса 16,1% ни ташкил этмоқда.

Турнирнинг кейинги босқичига чиқиш имкониятлари бўйича ҳам лондонликлар анча олдинда: «Арсенал»нинг чорак финалга йўл олиши 84,5%, леверкузенликларнинг имконияти эса 15,5% га тенг деб кўрилмоқда.