Италиялик ярим ҳимоячи Николо Дзаньоло Англия чемпионатидаги иштироки ҳақидаги хотиралари билан ўртоқлашди. У 2022-23 йилги мавсумда «Астон Вилла» клуби шарафини ҳимоя қилган эди.
Эслатиб ўтамиз, ушбу жамоани 2022 йилдан буён испаниялик мутахассис Унаи Эмери бошқариб келмоқда.
«Менинг фикримча, бу дунёдаги энг қийин лига, чунки у ерда ҳар бир клуб ва ҳар бир футболчи жуда кучли ҳамда маҳоратли. «Астон Вилла»да ўйнаган вақтимда кўп нарсани ўргандим, у ўшанда ҳам, ҳозир ҳам жуда яхши жамоа. Эмери эса ҳаётимдаги энг яхши мураббийлардан бири. Ҳа, мен бундай ажойиб тажрибага эга бўлганимдан хурсандман», — деди Дзаньоло TeamTALK нашрига берган интервьюсида.
Ҳозирда 26 ёшли Дзаньоло ўз ватанида «Удинезе» клубида тўп сурмоқда. Transfermarkt портали ушбу футболчининг трансфер қийматини 13 миллион еврога баҳолаган.
