«Арсенал» бош мураббийи Микель Артета жамоа вингери Нони Мадуэкени мақтади.
«Менимча, Нонида кучли характер бор, айниқса майдонда ишлар юришмаётган пайтда ўйинга қўшилиб, баҳс тақдирига таъсир ўтказа олади. Унда муваффақиятга эришиш учун зарур бўлган барча сифатлар мужассам», — дея Артетанинг сўзларини келтирмоқда «тўпчилар» матбуот хизмати.
Эслатиб ўтамиз, «Байер» билан бўлиб ўтган яқиндаги баҳсда айнан Мадуэке захирадан майдонга тушганидан сўнг «канонирлар» пенальти тепиш ҳуқуқини қўлга киритиб, ҳисобни тенглаштиришган эди (1:1). Мадуэке ўнг қанотдан «доришунослар» жарима майдончасига ёриб кириб, пенальти ишлади. Кай Хаверц эса 11 метрлик нуқтадан адашмади.
Мадуэке 2025 йилнинг ёзида «Арсенал» аъзосига айланди, бунгача у икки ярим йил давомида «Челси» шарафини ҳимоя қилган.
