«Сантос» ҳужумчиси Неймар Бразилия терма жамоасининг 26 ва 31 март кунлари Франция ҳамда Хорватияга қарши бўлиб ўтадиган ўртоқлик ўйинларига чақирилмаганига муносабат билдирди.
«Буни эътиборсиз қолдира олмаганим учун гапиришга қарор қилдим. Албатта, мени чақиришмаганидан хафаман ва бундан афсусдаман.
Бироқ мен кундан-кунга, машғулотдан машғулотга, ўйиндан ўйинга ўз диққат-эътиборимни сақлаб қоламан. Биз ўз мақсадимизга эришамиз. [ЖЧ-2026 учун] якуний рўйхат ҳали шакллантириб бўлинмаган», — деди Неймар.
Маълумот учун, 34 ёшли ҳужумчи Бразилия чемпионатининг жорий мавсумидаги 2 та ўйинида 2 та гол урди ва 1 та голли узатмани амалга оширди.
