«Santos» hujumchisi Neymar Braziliya terma jamoasining 26 va 31 mart kunlari Fransiya hamda Xorvatiyaga qarshi bo‘lib o‘tadigan o‘rtoqlik o‘yinlariga chaqirilmaganiga munosabat bildirdi.
«Buni e’tiborsiz qoldira olmaganim uchun gapirishga qaror qildim. Albatta, meni chaqirishmaganidan xafaman va bundan afsusdaman.
Biroq men kundan-kunga, mashg‘ulotdan mashg‘ulotga, o‘yindan o‘yinga o‘z diqqat-e’tiborimni saqlab qolaman. Biz o‘z maqsadimizga erishamiz. [JCH-2026 uchun] yakuniy ro‘yxat hali shakllantirib bo‘linmagan», — dedi Neymar.
Ma’lumot uchun, 34 yoshli hujumchi Braziliya chempionatining joriy mavsumidagi 2 ta o‘yinida 2 ta gol urdi va 1 ta golli uzatmani amalga oshirdi.
