«ПСЖ» президенти Нассер Ал-Ҳелайфий Чемпионлар Лигаси 1/8 финали доирасидаги «Челси»га қарши жавоб учрашувига ташриф буюриши мумкин бўлди.
Эслатиб ўтамиз, Париж клуби раҳбари французларнинг 5:2 ҳисобидаги ғалабаси билан якунланган дастлабки учрашувда иштирок этмаган эди. У Яқин Шарқдаги можаролар туфайли Қатарда қолишга мажбур бўлганди.
L’Equipe нашрининг ёзишича, якшанба куни эрталаб Ал-Ҳелайфий Финалиссима баҳсини ўтказиш бўйича шошилинч йиғилиш учун Лондонга учиб келди. Якунда Испания ва Аргентина терма жамоалари ўртасидаги учрашув бекор қилинди.
«Челси» ва «ПСЖ» ўртасидаги жавоб ўйини бугун, 17 март куни Лондонда бўлиб ўтади ва Тошкент вақти билан тунги соат 01:00 да бошланади.
