Душан Влаховичнинг «Ювентус» билан тузилган амалдаги меҳнат шартномаси шу ёзда ўз ниҳоясига етади. Ҳозирда томонлар келишувни узайтириш бўйича музокаралар олиб боришмоқда.
Манбанинг ёзишича, футболчи ва «Ювентус» ўзаро келишувга эришишга жуда яқин туришибди. Transfermarkt портали Влаховичнинг бозор қийматини 35 миллион еврога баҳоламоқда.
Душан Влахович шу кунгача «Ювентус» сафида жами 162 та ўйинда майдонга тушди. Ушбу баҳсларда ҳужумчи 64 та гол урди ва 16 та голли узатмани ўз ҳисобига ёздириб қўйди.
