Ҳужумчи Александр Исак аста-секин сафга қайтишга яқинлашмоқда. Швециялик ҳужумчи аллақачон майдонда машғулотларни бошлади. Бу ҳақда "The Touchline" нашри хабар бермоқда.
Исак анчадан бери "Ливерпуль" лазаретида эди. Швед футболчиси 20 декабрь куни Премьер-лиганинг биринчи давраси доирасидаги "Тоттенхэм"га қарши ўйинда жароҳат олганди. Ўшанда Исак суяк синиши ташхиси билан сафдан чиққан эди.
Александр Исак ўтган ёзги трансфер ойнаси ёпилиши арафасида "Ньюкасл"дан "Ливерпуль"га кўчиб ўтган эди. "Қизиллар" сафида ўтказган 16 та ўйинида Исак ўз ҳисобига 3 та гол ва битта голли узатмани ёздириб қўйишга улгурди.
"Ливерпуль" навбатдаги ўйинини 18 март куни — Чемпионлар Лигаси доирасида ўз майдонида "Галатасарой"га қарши ўтказади.
