«Манчестер Юнайтед» жамоа сардори Бруну Фернандешни клубнинг унинг келажаги борасидаги позициясидан хабардор қилди. «Қизил иблислар» Брунуга уни кейинги мавсумда ҳам жамоада сақлаб қолиш учун қўлларидан келган барча ишни қилишларини айтишган. Бу ҳақда машҳур журналист Крис Уилер маълум қилди.
Шу билан бирга, «Манчестер Юнайтед» Фернандешни олиб қолиш учун унга янги шартнома таклиф қилишига тўғри келиши мумкин.
31 ёшли Бруну Фернандешнинг «Манчестер Юнайтед» билан амалдаги меҳнат шартномаси 2026/2027 йилги мавсум якунига қадар мўлжалланган. Нуфузли Transfermarkt портали мутахассислари футболчини 40 миллион еврога баҳоламоқдалар.
