«Manchester Yunayted» jamoa sardori Brunu Fernandeshni klubning uning kelajagi borasidagi pozisiyasidan xabardor qildi. «Qizil iblislar» Brunuga uni keyingi mavsumda ham jamoada saqlab qolish uchun qo‘llaridan kelgan barcha ishni qilishlarini aytishgan. Bu haqda mashhur jurnalist Kris Uiler ma’lum qildi.
Shu bilan birga, «Manchester Yunayted» Fernandeshni olib qolish uchun unga yangi shartnoma taklif qilishiga to‘g‘ri kelishi mumkin.
31 yoshli Brunu Fernandeshning «Manchester Yunayted» bilan amaldagi mehnat shartnomasi 2026/2027 yilgi mavsum yakuniga qadar mo‘ljallangan. Nufuzli Transfermarkt portali mutaxassislari futbolchini 40 million yevroga baholamoqdalar.
