«Спортинг» ўз майдонида Чемпионлар лигаси 1/8 финалининг жавоб учрашувида «Будё-Глимт» устидан 5:0 ҳисобида ғалаба қозонди.

34-дақиқада Гонсалу Инасиу ҳисобни очди. 61-дақиқада Педру Гонсалвеш мезбонларнинг устунлигини икки баравар оширди. 78-дақиқада Луис Суарес пенальтини аниқ амалга ошириб, лиссабонликларнинг учинчи голини урди. Бу гол икки ўйин натижасига кўра мувозанатни тиклаш имконини берди — дастлабки учрашув Норвегия клубининг 3:0 ҳисобидаги йирик ғалабаси билан якунланган эди.

Қўшимча вақтнинг бошида Максимилиано Араухо тўртинчи голни киритди. Учрашувдаги якуний нуқтани эса 120+1-дақиқада Рафаэл Нел қўйди.

«Спортинг» Чемпионлар лигаси чорак финалининг илк иштирокчисига айланди.

Чемпионлар лигаси. 1/8 финал
17.03.2026 | 22:45
«Жозе Алваладе», Лиссабон

«СПОРТИНГ» — «БУДЕ-ГЛИМТ» — 5:0 (ҚЎШИМЧА ВАҚТЛАРДА)
Голлар: Гонсалу Инасиу 34 (1:0), Педру Гонсалвеш 61 (2:0), Суарес 78-пен (3:0), Араухо 92 (4:0), Габриэль Нел 120+1 (5:0).

Биринчи ўйин: 0:3.

«Спортинг»: Руй Силва, Гонсалу Инасиу, Куарежма (Дебаст, 64), Араухо (Диоманде, 110), Фреснеда, Морита (Браганса, 68), Юльманн, Тринкан (Файе, 110), Гонсалвеш (Сантуш, 68), Катаму, Суарес (Нел, 116).

«Буде-Глимт»: Хайкин, Бьертуфт, Гундерсен (Алеесами, 106), Бьеркан, Сьевольд, Берг, Фет (Эукленн, 90+1), Эвьен (Басси, 85), Хауге (Сальтнес, 79), Бломберг (Мяяття, 85), Хег (Хельмерсен, 79).

Огоҳлантиришлар: Юльманн (47), Фреснеда (74), Сантуш (104) — Бломберг (6), Хег (68), Басси (105), Сальтнес (118).