«Барселона» президенти Жоан Лапорта жамоанинг 18 ёшли юлдузи Ламин Ямалнинг даҳолиги ҳақида ўз фикрларини билдирди.
Испаниялик вингер «кўк-анорранглилар»нинг асосий футболчиларидан бири бўлиб қолмоқда ва клуб раҳбари ёш истеъдод эгасининг муваффақиятларидан ҳайратланишдан чарчамаяпти.
«Ямал — шунчаки ўйинчи эмас, у даҳо. Унинг «Барселона»га бўлган садоқати чегара билмайди, у лойиҳамизнинг узоқ муддатли келажагида асосий фигура бўлиб хизмат қилади», — деди Лапорта. Унинг сўзларини Barca Universal нашри келтирмоқда.
