«Реал» ярим ҳимоячиси Орельен Тчуамени Марокаш терма жамоасига «Африка Кубоги—2026» ғолиблиги берилиши ҳақидаги қарорга муносабат билдирди.
Африка футбол конфедерацияси Марокашнинг апелляциясини қаноатлантирганини ва Сенегал терма жамоасига финалда «0:3» ҳисобидаги техник мағлубият ёзганини эълон қилди. Бунга 98-дақиқада «Реал» ярим ҳимоячиси Браим Диасга нисбатан ишлатилган қўполлик учун белгиланган пенальтидан сўнг, сенегалликларнинг майдонни тарк этгани сабаб бўлган.
Ўйин фақат 13 дақиқадан сўнг қайта тикланган — Браим пенальтини голга айлантира олмаган — ва баҳс сенегалликларнинг ғалабаси («1:0») билан якунланган эди.
«Ростини айтсам, нима дейишни ҳам билмайман. Браим албатта жуда хурсанд бўлади (кулади), лекин бу нима сабабдан юз берганини ёки нима хато бўлганини тушунмаяпман. Аммо агар Браим ҳақиқатан ҳам Африка чемпионига айланган бўлса, биз бутун жамоа бўлиб унга совға тайёрлаймиз», — деди Тчуамени.
