«Реал» ярим ҳимоячиси Эдуардо Камавинга инглиз клубларининг қизиқиш доирасига тушиб қолди.

Журналист Грэм Бэйлининг маълумотларига кўра, франциялик хавбекни ўз сафига қўшиб олишга «Манчестер Юнайтед» ва «Ливерпуль» клублари қизиқиш билдирмоқда. Ҳар иккала жамоа ҳам шу ёзда футболчи учун кураш олиб боришга тайёр. Воситачилар клубларга Камавинганинг трансфери 40 миллион еврога тушиши мумкинлиги ҳақида хабар беришни бошлашган.

Эдуардо Камавинга 2021 йилда «Ренн»дан «Реал»га 31 миллион евро эвазига ўтган эди. Унинг «қаймоқранглилар» билан шартномаси 2029 йилнинг 30 июнига қадар мўлжалланган. Жорий мавсумда ярим ҳимоячи мадридликлар таркибида барча турнирларда 33 та ўйинда майдонга тушиб, 2 та гол урди ва битта голли узатмани амалга оширди.