«Real» yarim himoyachisi Eduardo Kamavinga ingliz klublarining qiziqish doirasiga tushib qoldi.

Jurnalist Grem Beylining ma’lumotlariga ko‘ra, fransiyalik xavbekni o‘z safiga qo‘shib olishga «Manchester Yunayted» va «Liverpul» klublari qiziqish bildirmoqda. Har ikkala jamoa ham shu yozda futbolchi uchun kurash olib borishga tayyor. Vositachilar klublarga Kamavinganing transferi 40 million yevroga tushishi mumkinligi haqida xabar berishni boshlashgan.

Eduardo Kamavinga 2021 yilda «Renn»dan «Real»ga 31 million yevro evaziga o‘tgan edi. Uning «qaymoqranglilar» bilan shartnomasi 2029 yilning 30 iyuniga qadar mo‘ljallangan. Joriy mavsumda yarim himoyachi madridliklar tarkibida barcha turnirlarda 33 ta o‘yinda maydonga tushib, 2 ta gol urdi va bitta golli uzatmani amalga oshirdi.