Роберт Левандовски «Ньюкасл»га қарши кечган баҳсда дубль қайд этишга муваффақ бўлди. «Барселона» ҳужумчиси Чемпионлар лигаси 1/8 финали доирасидаги учрашувнинг 56 ва 61-дақиқаларида рақиб дарвозасини ишғол қилди.
Эндиликда польяк футболчисининг ушбу турнирдаги голлари сони 109 тага етди. У ЕЧЛ тарихидаги энг яхши тўпурарлар рўйхатида учинчи ўринни эгаллаб турибди. Бу борада у фақат Лионель Месси (129 та гол) ва Криштиану Роналдудан (саралаш босқичини ҳисобга олмаганда 140 та, саралаш билан бирга 141 та гол) ортда қолмоқда.
ЕЧЛ тарихидаги энг яхши тўпурарлар (Топ-5):
| Ўрин | Футболчи | Голлар сони |
| 1 | Криштиану Роналду | 140 |
| 2 | Лионель Месси | 129 |
| 3 | Роберт Левандовски | 109 |
| 4 | Карим Бензема | 90 |
| 5 | Рауль Гонсалес | 71 |
