«Бавария» Чемпионлар лигаси 1/8 финалининг жавоб учрашувида «Аталанта» устидан 4:1 ҳисобида ғалаба қозонди. Ўйин Мюнхендаги «Альянц Арена» стадионида бўлиб ўтди.
Учрашувнинг 25-дақиқасида ҳужумчи Харри Кейн пенальтини аниқ амалга ошириб, ҳисобни очди. Иккинчи бўлим бошида у дублни расмийлаштирди. Кўп ўтмай, Луис Диаснинг узатмасидан сўнг Леннарт Карл гол урди, 70-дақиқада эса Карлнинг ўзи Диасга голли узатма етказиб берди. Баҳс якунида меҳмонлар битта жавоб тўпини киритишди — Лазар Самарджич ўз номини таблога ёздириб қўйди.
Дастлабки ўйинда ҳам «Бавария» 6:1 ҳисобида зафар қучган эди. Шу тариқа, икки ўйин натижасига кўра Мюнхен клуби Чемпионлар лигасининг чорак финалига йўл олди ва у ерда «Реал» билан куч синашади.
Чемпионлар лигаси. 1/8 финал
19.03.2026 | 01:00
«Альянц Арена», Мюнхен
«БАВАРИЯ» — «АТАЛАНТА» — 4:1
Голлар: Ҳарри Кейн 25-пен (1:0), Ҳарри Кейн 54 (2:0), Карл 56 (3:0), Диас 70 (4:0), Лазар Самарджич 85 (4:1).
Биринчи ўйин: 6:1.
«Бавария»: Урбиг, Ким Мин Джэ, Та, Бишоф (Павич, 72), Станишич (Гнабри, 72), Горецка, Павлович (Офли, 55), Рафаэл Геррейру (Ито, 83), Диас, Карл, Кейн (Жексон, 72).
«Аталанта»: Спортьелло, Хин, Скальвини (Аханор, 83), Коссуну, Пашалич, Эдерсон (Самарджич, 57), Бернаскони, Белланова, Сулемана (Распадори, 71), Де Кетеларе (де Рон, 57), Скамакка (Крстович, 71).
