Аёллар ўртасидаги Осиё кубогида иштирок этган Ўзбекистон миллий жамоаси ЖЧ йўлланмасини қўлга киритишга яқин турганди. Осиё қитъаси учун Мундиалга берилган бешинчи йўлланма учун аёлларимиз Филиппинга қарши майдонга чиқишди.
Биринчи бўлимда ҳисоб очилмади. Иккинчи бўлимнинг илк дақиқалари филиппинликлар учун омадли келди. Улар ўнг қанотдан етказилган 2 та узатмани голга айлантиришди. 47-дақиқада Ангела Бирд ҳисобни очган бўлса, орадан 4 дақиқа ўтиб Жаклин Савицки иккинчи тўпни дарвозамизга киритди.
Ўзбекистон ўйин охиригача вазиятни ўнглашнинг имконини топа олмади. Шу тариқа, Филиппин келаси йили Бразилияда бўлиб ўтадиган ЖЧ йўлланмасини қўлга киритди.













