Ayollar o‘rtasidagi Osiyo kubogida ishtirok etgan O‘zbekiston milliy jamoasi JCH yo‘llanmasini qo‘lga kiritishga yaqin turgandi. Osiyo qit’asi uchun Mundialga berilgan beshinchi yo‘llanma uchun ayollarimiz Filippinga qarshi maydonga chiqishdi.
Birinchi bo‘limda hisob ochilmadi. Ikkinchi bo‘limning ilk daqiqalari filippinliklar uchun omadli keldi. Ular o‘ng qanotdan yetkazilgan 2 ta uzatmani golga aylantirishdi. 47-daqiqada Angela Bird hisobni ochgan bo‘lsa, oradan 4 daqiqa o‘tib Jaklin Saviski ikkinchi to‘pni darvozamizga kiritdi.
O‘zbekiston o‘yin oxirigacha vaziyatni o‘nglashning imkonini topa olmadi. Shu tariqa, Filippin kelasi yili Braziliyada bo‘lib o‘tadigan JCH yo‘llanmasini qo‘lga kiritdi.













