«Барселона» бош мураббийи Ханси Флик Чемпионлар лигасида «Ньюкасл» устидан қозонилган йирик ғалабага (7:2) якуний хулоса ясади.
«Бу шунчаки жиннича ўйин бўлди. Биринчи бўлимда энг яхши ўйинимизни кўрсата олмадик, лекин иккинчи бўлимда анча яхши ҳаракат қилдик ва тўп назоратини қўлга олдик. Учинчи гол бизга ўйинга тўлиқ қайтиш имконини берди.
Биринчи бўлимда ҳужумга ўтишда узоқ масофали узатмалардан ҳаддан ташқари кўп фойдаландик ва тўпни тез-тез йўқотдик, рақибимиз эса жуда тезкор ва қарши ҳужумларда хавфли эди. Танаффусда иккинчи бўлимда тўпни кўпроқ назорат қилиш ҳақида гаплашиб олдик ва паст блокли ҳимоядан фойдаланган ҳолда яхшироқ ўйнай бошладик.
Эрик Гарсия ва Жоан Гарсиянинг ҳолатини ҳали кўрамиз. Жароҳатлар у қадар жиддий эмас, лекин барибир кутишимиз керак», — деди «Барселона» бош мураббийи.
