«Реал» ўз расмий сайтида асосий дарвозабони Тибо Куртуанинг жароҳати ҳақида маълумот эълон қилди. Пайшанба куни бельгилиялик футболчи тиббий кўрикдан ўтди. Текширувлар натижасида Куртуанинг ўнг сон квадратсипс мушаги шикастлангани аниқланди.

33 ёшли Куртуа 1-1,5 ойни ўтказиб юбориши кутилмоқда. Хабарда тажрибали посбоннинг ҳолати доимий назорат қилиб борилиши кўрсатиб ўтилган.

Эслатиб ўтамиз, сешанба куни Тибо Куртуа Чемпионлар лигаси доирасидаги «Манчестер Сити»га қарши ўйиннинг танаффус вақтида алмаштирилган эди. Иккинчи бўлимда «Реал»нинг иккинчи дарвозабони — Андрей Лунин ҳаракат қилди.

«Реал» навбатдаги учрашувини 22 март куни «Атлетико»га қарши ўтказади.