«Реал» дарвозабони Тибо Куртуа олган жароҳатидан сўнг баёнот билан чиқди. Аввалроқ Мадрид клуби белгиялик посбоннинг жароҳати борасида расмий маълумот берган эди. Матбуотда ёзилишича, Куртуанинг тикланиши учун тахминан бир ярим ой вақт талаб этилади.
«Сафга қайтиш ва яна жамоага ёрдам бериш учун аллақачон тикланиш жараёни устида ишлаяпман», — деб ёзди Куртуа ижтимоий тармоқлардаги саҳифасида.
«Реал» навбатдаги учрашувини якшанба куни, 22 мартда ўтказади. Шу куни Альваро Арбелоа жамоасини «Атлетико»га қарши Мадрид дербиси кутмоқда. Жамоалар «Сантьяго Бернабеу» стадионида баҳс олиб боришади.
Ҳозирда «Реал» Ла Лига турнир жадвалида иккинчи ўринни эгаллаб турибди ва пешқадам «Барселона»дан тўрт очкога ортда қолмоқда.
