Сўнгги кунларда «Ньюкасл» ярим ҳимоячиси Бруно Гимараэснинг «Манчестер Юнайтед»га ўтиши билан боғлиқ хабарлар фаол тарқалмоқда.
Миш-мишларга кўра, «қизил иблислар» бразилиялик футболчининг трансфери бўйича аллақачон музокаралар олиб бормоқда. Инсайдер Фабрицио Романонинг хабар беришича, Гимараэснинг шартномасида ҳеч қандай товон пули кўзда тутилмаган — ўйинчини 100 миллион фунт стерлинг эвазига сотиб олиш банди 2024 йилдаёқ ўз кучини йўқотган. Шу тариқа, шу ёзда ярим ҳимоячини сотиб олмоқчи бўлганлар трансфер суммасини «қарғалар» билан келишиб олишларига тўғри келади. Клуб эса, афтидан, ўз юлдузини қўйиб юбориш иштиёқида эмас.
Шу билан бирга, тарқалган маълумотларга кўра, Бруно Гимараэс ва «Ньюкасл» ўртасида «джентльменлик келишуви» мавжуд: агар жамоа Чемпионлар лигасига йўлланма ололмаса, клуб раҳбарияти футболчини 80 миллион еврога яқин суммага ҳеч қандай эътирозларсиз сотишга ваъда берган.
