So‘nggi kunlarda «Nyukasl» yarim himoyachisi Bruno Gimaraesning «Manchester Yunayted»ga o‘tishi bilan bog‘liq xabarlar faol tarqalmoqda.
Mish-mishlarga ko‘ra, «qizil iblislar» braziliyalik futbolchining transferi bo‘yicha allaqachon muzokaralar olib bormoqda. Insayder Fabrisio Romanoning xabar berishicha, Gimaraesning shartnomasida hech qanday tovon puli ko‘zda tutilmagan — o‘yinchini 100 million funt sterling evaziga sotib olish bandi 2024 yildayoq o‘z kuchini yo‘qotgan. Shu tariqa, shu yozda yarim himoyachini sotib olmoqchi bo‘lganlar transfer summasini «qarg‘alar» bilan kelishib olishlariga to‘g‘ri keladi. Klub esa, aftidan, o‘z yulduzini qo‘yib yuborish ishtiyoqida emas.
Shu bilan birga, tarqalgan ma’lumotlarga ko‘ra, Bruno Gimaraes va «Nyukasl» o‘rtasida «djentlmenlik kelishuvi» mavjud: agar jamoa Chempionlar ligasiga yo‘llanma ololmasa, klub rahbariyati futbolchini 80 million yevroga yaqin summaga hech qanday e’tirozlarsiz sotishga va’da bergan.
