«Айнтрахт Франкфурт» жамоасининг чап қанот ҳимоячиси Натаниэль Браун Европа грандлари эътиборида. Журналист Флориан Плеттенбергнинг хабар беришича, 22 ёшли футболчини қўлга киритиш имкониятларини «Реал Мадрид», «Барселона», «Манчестер Юнайтед» ва «Ливерпуль» клублари кўриб чиқмоқда. Эҳтимолий трансфер қиймати 60 млн еврога баҳоланмоқда.
Германия Бундеслигасининг жорий мавсумида Натаниэль Браун 25 та ўйинда майдонга тушиб, ўз ҳисобига учта гол ва тўртта голли узатмани ёздириб қўйди. Футболчининг «Айнтрахт» билан амалдаги меҳнат шартномаси 2030 йилнинг ўрталаригача мўлжалланган.
Франкфуртликлар 26 турдан сўнг 38 очко жамғарган ҳолда Германия чемпионати турнир жадвалида еттинчи ўринни эгаллаб туришибди.
