«ПСЖ» бош мураббийи Луис Энрике «Манчестер Юнайтед»нинг қизиқишлари доирасига тушди. Англия гранди машҳур испаниялик мутахассисни шу ёзда амалдаги шартномаси якунига етадиган Майкл Кэррикнинг ўрнига номзод сифатида кўриб чиқмоқда.
Журналист Бен Жейкобснинг берган маълумотларига кўра, «қизил иблислар» учун яқинлашиб келаётган мавсумлар оралиғида Энрикени ўз томонларига оғдириб олиш ўта қийин кечади: ҳатто мутахассиснинг ўзида бундай имкониятга қизиқиш туғилган тақдирда ҳам, Париж клуби раҳбарияти унинг кетишини деярли аниқ блоклаб қўяди.
Энрикенинг «ПСЖ» билан келишуви 2027 йилнинг ўрталаригача мўлжалланган. Манбанинг таъкидлашича, мураббийда узоқ муддатли истиқболда Премьер-лигада ўз кучини синаб кўриш истаги мавжуд.
