«Интер»нинг собиқ посбони Жанлука Пальюка «Тоттенхэм»нинг биринчи рақамли дарвозабони Гульельмо Викариони мақтади.
«Интер» клуби июнь ойи охирида шартномаси якунланиши муносабати билан жамоани тарк этадиган фахрий дарвозабон Янн Зоммерга ўринбосар қидирмоқда.
«Интерга кучли дарвозабон керак, Викарио айнан шундай. У Италиянинг энг яхши дарвозабонларидан бири. Викариони ҳозирча топ-даражадаги футболчи деб бўлмайди, аммо агар «Интер» у билан шартнома имзоласа, у шундай даражага чиқиши мумкин. Заиф томонларими? У дарвозадан чиқиб ўйнаш устида ишлаши керак», — дея Пальюканинг сўзларини келтирмоқда TMW нашри.
Transfermarkt портали Викарионинг трансфер қийматини 23 млн еврога баҳоламоқда.
