«Челси» ҳужумчиси Лиам Делап жорий мавсум якунланганидан кейин Англия премьер-лигасининг бошқа бир клубига кўчиб ўтиши мумкин.
23 ёшли футболчи учун Лондон клубидаги дебют мавсуми у қадар муваффақиятли кечмаяпти: у асосий таркибда кам майдонга тушмоқда ва бор-йўғи иккита гол урди. Журналист Бен Жейкобснинг маълумотига кўра, «Ньюкасл» ёзги трансфер ойнасида Делапни сотиб олиш имкониятини жиддий кўриб чиқмоқда. Потенциал харидорлар ҳужумчининг «Челси»даги ҳолатини ҳисобга олса, уни ўз томонларига оғдириб олиш тўлақонли реал эканига ишонишмоқда.
Лиам Делап ўтган йилнинг июнь ойида «Ипсвич»дан 35,5 млн евро эвазига «кўклар» сафига келиб қўшилган эди. Футболчининг шартномаси 2031 йилнинг ўрталаригача мўлжалланган.
