Мадриднинг «Реал» клуби ҳужумчиси Килиан Мбаппе жароҳатидан сўнг илк бор асосий таркибда майдонга тушишга тайёрланмоқда.

Франциялик футболчи тиззасидаги муаммолар сабабли бешта ўйинни ўтказиб юборди, яқинда Чемпионлар лигаси доирасида «Манчестер Сити»га қарши кечган баҳсда эса захирадан майдонга тушди. Diario AS нашрининг маълумотига кўра, «қаймоқранглилар» бош мураббийи Альваро Арбелоа бўлажак «Атлетико»га қарши дербида юлдуз форвардни илк дақиқалардан ўйнатмоқчи. Учрашув якшанба куни бўлиб ўтади ва Тошкент вақти билан тунги соат 01:00 да бошланади.

Килиан Мбаппе жорий мавсумда «Реал» сафида ўтказилган 34 та ўйинда 38 та гол ва олтита голли узатмани ўз ҳисобига ёздириб қўйди. Яқинда 27 ёшли футболчи Франция терма жамоасининг март ойида Бразилия ва Колумбияга қарши кечадиган ўртоқлик учрашувлари учун чақирув олди.