Мадриднинг «Реал» клуби бош мураббийи Альваро Арбелоа дарвозабон Тибо Куртуа жароҳатидан сўнг сафга қайтиши учун клуб томонидан ҳеч қандай муддат белгиланмаганини таъкидлади.

Тибо Чемпионлар лигаси 1/8 финали доирасидаги «Манчестер Сити»га қарши жавоб учрашувининг (2:1) танаффус пайтида алмаштирилган эди. Оммавий ахборот воситаларининг таъкидлашича, дарвозабон ўйинолди чигалёзди машқлари пайтидаёқ оғриқ сезган.

«Бирор ўйинчини майдонга тушираётганимда доим таваккалчилик бўлади. Жуда кам сонли футболчилар майдонга 100 фоиз тайёр ҳолда ва ҳеч қандай ноқулайликсиз тушадилар. Бу нормал ҳолат. «Манчестер Сити» билан ўйин танаффусида Тибо ўйинни давом эттиришни истаганди, бироқ уни тўхтатишга шахсан ўзим қарор қилдим. Бунга сабаб, шунингдек, Лунинга бўлган тўлиқ ишончимдир. У ажойиб дарвозабон ва буни исботлайди. Агар тарихдаги энг яхши голкипер жароҳат олса, ўрнига бошқаси тушади. Биз Куртуанинг қайтиши бўйича ҳеч қандай муддат белгиламаяпмиз», — дея Арбелоанинг сўзларини келтирмоқда AS.

Аввалроқ ESPN нашри Куртуа ўнг оёқ сон мушагидаги жароҳат туфайли олти ҳафтани ўтказиб юбориши ҳақида хабар берган эди.