Мюнхеннинг «Бавария» клуби бош мураббийи Венсан Компани Бундеслиганинг 27-тури доирасида Берлиннинг «Унион» жамоасига қарши кечадиган бўлажак ўйин ҳақида фикр билдирди.
«Унион»нинг кучли томонларини биламиз. Бу жорий мавсумда уларга қарши учинчи учрашувимиз бўлади. Ҳозир ўз уйимизда ўйнаяпмиз, шунинг учун Берлиндагидан кўра бошқачароқ ўйин кўрсатишни истаймиз. Кўрамиз, улар ўз ўйин услубларини «Альянц Арена»да қанчалик самарали қўллай олишар экан. Уларга қарши ўйнаш қанчалик қийинлигини яхши биламиз», — дея Компанининг сўзларини келтирмоқда клуб расмий сайти.
Германия чемпионатининг 26 туридан сўнг «Бавария» 67 очко билан турнир жадвалида биринчи ўринни эгаллаб турибди. «Унион» эса 31 очко билан тўққизинчи поғонадан жой олган.
