Мадриднинг «Реал» клубида тўп сураётган германиялик ҳимоячи Антонио Рюдигер Ла Лигани Италия чемпионатига алмаштириши мумкин. Бу ҳақда Tuttosport журналистлари хабар бермоқда.
Манбанинг маълум қилишича, Туриннинг «Ювентус» клуби футболчини ўз сафига қўшиб олишга қизиқиш билдирмоқда. Томонлар ёзги трансфер бўйича дастлабки музокараларни бошлаб юборишган. «Кекса синьора» Рюдигер билан икки йиллик меҳнат шартномаси имзолашга тайёр.
Антонио ва «қироллик клуби» ўртасидаги амалдаги келишув муддати 2026 йилнинг ёзида ниҳоясига етади. Футболчининг бозор қиймати 9 миллион еврони ташкил этмоқда.
Жорий мавсумда ҳимоячи 17 та учрашувда майдонга тушиб, ўз ҳисобига битта гол ёздириб қўйишга улгурди.
